Time for Olympic NZ Sevens to get recognition

  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Me taurite te mana o te pōraka Ōpango Takiwhitu ki tērā o te pōraka Ōpango matua. Koia rā te whakahau a tētahi o ngā tāiki ngāpara Māori o te ao takiwhitu i te rā nei. He pōkēao nui kua tau ki runga i te tākaro i a rātou e whakareri nei mō te haerenga tuatahi ki Ngā Taumāhekeheke Ōrimipia hei te Here-turi-kōkā e tū mai nei.

Tokohia nei ngā pūkenga takiwhitu e huri tuara ana.

E ai ki a Dallas Seymour he opango o mua, he takiwhitu hoki. Kotahi anake te whakautu, “It's a tough one because the All Blacks jersey is always going to be the epitome for any kid in rugby in New Zealand. Having said that - the Olympics is a pretty big gig as well.”

Koia rā te urupounamu nui e pūkana ana ki te kapa Ōpango Takiwhitu i tēnei rā. He iwa tekau mā iwa noa iho ngā rā ki te whakataetae Orimipia ki Rio, heoi anō, kāore anō kia whakahonoretia i te kapa mā roto mai i ngā kirimana tākaro.

Hei tā Seymour, “It may require a sit down and rethink by the NZ Rugby Union and Titch and all the coaching staff across rugby to see how serious we are to put our best foot forward.”

Ko ngā raruhanga ā tāngata i te kapa Ōpango Takiwhitu tērā i hua ake. Inā, ko The Rock tonu kei te keo o te titiro a Sonny Bill Williams i tērā wiki. He mea pōraruraru i tēnei kaipupuru mētara koura o te ao takiwhitu

“That's the issue that Titch has dealt with, and the Sevens team has dealt with for well over twenty years now, going from sevens moving to the All Blacks jersey.”

Kua tekau mā whā tau a Seymour i te rāngai takiwhitu o te motu, ā, hei ko tāna, kāore ia mō te whakaparahako i a rātou e whai ana i te moemoeā poraka Ōpango.

“The All Blacks jersey is the pinnacle. It's the pinnacle of New Zealand rugby, it's the pinnacle of international rugby - it's the pinnacle of international sport.”

Nō tainahi rā, i huri tuara a Ardie Savea ki Tā Gordon Tietjens me te kapa, mō te whakaū i a ia anō ki te kapa Āwhiowhio. E whakapaetia nei he kōkiri whakamua ki te kapa Ōpango.

“The whakaaro I've always had in Sevens; if you get offered the move up the pathway to a Super Rugby team, which is another stepping stone to the black jersey then guys have to take those opportunities when they come.”

Kāore te kaiako matua o te kapa takiwhitu o te motu i te wātea ki te kōrero i te rā nei.