Kaupapa: Rugby

Tīmatahia ai te karore haere i tō rātou rohe tākaro e ngā Chiefs

  • Waikato/Te Waiariki

He takahi i te rori te kai a te kapa Chiefs i tēnei wiki, nō te rā nei timata ai tā rātou karore haere i te rohe tākaro.

Kua puta mai a Tamanuiterā ki te pōhiri i te kapa rangatira ki Tokoroa i te rangi tuatahi o to rātou haerenga i tō rātou rohe ake.  Ehara i te mea ko te whutupōro te tino kai engari ko te poro rākau.

Ehara i te mea ko rātou ngā mea koi o konei.  He ao nui anō tēnei mā te kapa Chiefs.

Inā rā hoki koia i whakaheke mai ai te werawera i tēnei rā, nō Tokoroa te reo karanga tuatahi ki te kapa Chiefs i a rātou e whakatika nei mō tēnei tau tākaro.

Tekau mā rima ngā taone o Waikato whānui ka waimaria, tae noa atu rā, ki Te Whakatōhea āpōpō.

Me te mea hoki, nā te pukukata tonu te kapa i whakaōpeti ai.

Kei te rikarika tonu mō tēnei tau.  Hei whakanui i ō rātou hāpaiō.

Hei te iwa karaka i te ata āpōpō whakangungu tūmatanui ai te kapa ki Ōpōtiki.