Kaupapa: Boxing

Teachers to battle it out at 'Clash of the Kaiako' boxing event

Mere McLean
  • Waikato/Te Waiariki

Ka tū tētahi tonamana mekemeke ki waenga i te hunga kaiako, me tōna aronga kia kohi pūtea hei whakatū i tētahi kāhui mekemeke parawhakawai mo te hunga rangatahi kei raro e putu ana, kei ngā rohe pōhara hoki.  Ka tū te kaupapa nei ki Rotorua hei te marama e tū mai nei. 

A te rua wiki e haere mai ana, ka uru a Rehua Mihaka ki runga i te papa mekemeke, “Kaha nei au ki te whakapakari tonu i taku tinana, me te mea anō kia pakari ai taku hā me ērā ahuatanga katoa.”

Kei te kura tuatahi o Whangamarino pātata ki Rotorua a Rehua e mahi ana, koia tētahi o ngā kaiako rua tekau mā wha kua uru ki roto i te tonamana tūtakinga kaiako ki raro i te whare mekemeke o Rotovegas.

E ai ki te kaiwhakahaere o Rotovegas Boxing a Aaron Warren, “Matua Rawiri from Whangamarino said, maybe we should get in there? And I said, why not! Because at the end of the day we have trained police, we have trained businessmen and why not teachers.” 

He mea whakatū tēnei tonamana hei kohi pūtea hei hiki i ngā mahi ako mekemeke mo te hunga rangatahi kei raro e putu ana, kei ngā rohe pōhara hoki.  Ka tūtaki a Rehua Mihaka ki a Justin Timoti ki roto i te tonamana.

“Me and my opponent we are actually whanaunga, so we are cousins and we have been training together for about six months yeah we are looking forward to getting into the ring and you know just getting into the kaupapa which is helping our tamariki along and putting them onto a positive path,” hei tā Justin Timoti.

Ka tū te tonamana mekemeke ki te whare tapere i te kura kōhine o Rotorua.