Kaupapa: Rugby League

Te Whakataetae Whutupōro Rīki NZSS 2015

  • Tāmaki Makaurau

Koinei te rangi tuarua o te Whakataetae Whutupōro Rīki mā ngā Kura Tuarua o Aotearoa ki te papa tākaro o Bruce Pulman, Papakura.

I hinga kē a Helston Boys' High School i a Papatoetoe High School i te rauna tuatahi o ngā puna tākaro.

Hei tā te kaiako matua o te kura o Papatoetoe, hei tā Kaiui Tukinga, whai muri i te kēmu, i whakanoho au i aku poai me taku kī atu ki a rātau kia urupū kia whakanui i tēnei tutukitanga, inā, he wā whakahirahira tēnei.

24 katoa ngā kapa mai i Whangarei Boys' High School i te Ika-a-Maui, tae noa ki Christchurch St Thomas i Te Waipounamu, me te aha, e ono ngā puna.

12 ngā kēmu ka tākarohia i te rā nei i roto i ngā puna e ono. Hei āpōpō tū ai ko ngā kēmu tukituki, ā hei te Tāite hua mai ai ko ngā whiringa toa.

Kei a Raniera Harrison te roanga ake o ngā kōrero hei te pō nei ki runga i a Te Kāea, 5:30pm.