Te Whakataetae Whutupōro Kukume Ripene

Wikitōria Day

Inanahi rā i tū ngā whiringa toa o te whakataetae whutupōro kukume rīpene o Aotearoa ki Tāmaki Makaurau. Whitu tekau mā rua ngā kapa i tae atu, ā, tēraā tētahi kapa nō Te Raki Paewhenua i eke anō ki te tūranga ikeike o te wāhanga ki ngā kaitākaro, kei ngā toru tekau tau te pakeke.

Ko tētahi o ngā ahuatanga o te tauwhāinga nei ko te pikinga o te nuinga o ngai Māori e whai wāhi ana ki taua hākinakina.

E ai ki te kaiwhakahaere matua o te whakataetae, ki a Claude Iusitini, “ he iwi kaha a ngai Māori i roto i tēnei hākinakina, ko rātou ano tēra ka kaha wero atu i ngā tira o Aotearoa whānui, tokomaha hoki o rātou kei te whai tūranga ki te tira ā motu o Aotearoa.”

Tērā tētahi kapa i tae anō ki te tūranga tuatahi i te wāhanga kei ngā toru tekau tau, a   rā ko Te Raki Paewhenua. I tūraki rātau i te kapa kikī ana i ngā whetū o mua o te ao whutupōro, a Auckland White.

Ko tā te Kāpene o te tira ko Khamal Ganley, “ i te ahua raru mātou i te timatanga, heoi i piki ake tā mātou kaha i ngā kēmu i whai mai, ahakoa i tūtaki atu mātou ki ētahi kaitakaro kaha rawa, heoi i puta mātou me te wikitoria, he hua pai rawa atu tera.”

I kaha te tākaro a te kapa nō Tāmaki Makaurau, ēngari hoki atu, hoki atu, ko te rarangi piro tērā i whakawhitia e Te Raki Paewhenua. Nā konā ka whakaingoatia rātau hei toa. He waru ki te whā ngā tatau whakamutunga.

Ko tā ētahi o rātau i tēnei wā, he titiro hāngai atu ki te whakataetae ipu Oceania ka tū a te marama e tū mai nei.