Te Whakataetae Pā Whutuporo o Whakatāne

  • Waikato/Te Waiariki

He hoariri i runga i te papa tākaro o Whakatāne, heoi heke mai ana, he hoa kē ēnei kapa. Ko te nuinga o ngā kaitākaro o tēnei whakataetae nō ngā kapa ā motu o Aotearoa mo te pā whutupōro. Ko tā tētahi o aua kaitākaro kia Whitiaua Black he mea nui mā rātou e tākaro tahi ana i roto i ngā tau maha. Heoi anō ko te mea nui me whakawhiti te tinana kia ōrite te kaha, kia kaha ake te tinana kia Ahitereiria.

Kāore e pau te marama ka tīmata ngā whakataetae o te Tāhimana, nō reira ko te whakataetae nei te tino wāhi hei whakamātautau i ngā nekehanga, te nakawhiti o te tinana me te wairua whakawhirinaki kei roto i te kapa.

Mō te whakataetae ki Whakatāne, ko Whitiaua Black te kāpene o te tira nō Tūhoe, otirā he mema hoki ia o te kapa Tāne o  Aotearoa. I whakapau i a āna hararei mo te Kirihimete ki te whakawaiwai, kia kore ai rātou e hinga anō ki te kapa o Ahitereiria, pērā i tērā tau ki Canberra.

I te whakatetae o Whakatāne i tuki tāna kapa nō raro i te maru o te karapu Galaxy, he kapa kikī i ngā mema nō te kapa o Aotearoa mō te 21 tau heke iho. Te āhua nei, he kapa ihu hūpe tonu nā tā rātou hingatanga whitu ki te tahi.

Ka tū te whakataetae o te Tāhimana ki te Taiwhanga o Waitākere hei te tuarima o Hui-tanguru.

Kairīpoata: Rahia Timutimu.