Te whakataetae nui mō ngā Mighty Mini Midgets

  • Tāmaki Makaurau

He karakia te tātaki mo te katoa o ngā haratau a ngā Mighty Mini Midgets, he tīma nohinohi te hanga, engari manawanui ana ki te aru tūranga i te whakamātautau waka ama-ā-motu e tū mai nei.

Koinei te tau tuatoru e hoe ngātahi ana te nuinga o ngā kotiro nei, nō reira kua taunga kē rātou ki ngā tikanga o tēnei mea te whakataetae, ā kua pērā hoki te aro ki tō rātou hoariri matua a tēra wiki. Ko te whai a ēnei tamariki nei ko te tūraki i te tira nō Huntly, nā te mea ko rātou ngā toa o tērā tau. Ko te manako a ēnei toa ko te tū i roto i tērā tūranga .

Mārakerake kitea ana te hiakai a ēnei karekata, heoi e ai ki tō rātou kaiako, ko tētahi o ngā tino whainga, he whakakaha i te tuakiri o te tamaiti, e āhei ai ia te whakatika i ngā taumahatanga ka pā atu ki a ia. Heoi, mā te aha i ngā mihi a ēnei mahuri Tōtara ki o rātou whānau, ngā pou arahi i a rātou i tēnei ara ki angitū.

Kairīpoata: Amomai Pihama.