Te whakataetae hahau pōro Māori ā motu

Mere McLean
  • Waikato/Te Waiariki

Nō te ahiahi nei, ka pōhiri atu a Ngāi Te Rangi, a Ngāti Ranginui me Ngāti Pūkenga i ngā mana o te tōnamana hahau pōro Māori o Aotearoa.

I te rere ngā mahi whakamatautau ki runga i te papa hahau pōro te wāhi e rere ana ngā whakaritenga mo te tonamana hahau pōro Māori ka tu ki Omanu, Tauranga moana.  

Hei tā Kingi Porima, “Ko te mea tuatahi, ka kite tatau ko te rangatahi ngā mea tino toa i tēnei wa, te nuinga kei runga i te taumata, engari kei konei ētahi o ngā kaumatua e kaha tonu ana te tinana, kei te pakari tonu te pukenga, ka kite tātau a te paraire ka kite tatau ko wai ka toa, ko wai kāre e toa.”

Ko te wa whitu tekau ma whitu tēnei e tu ai tēnei kaupapa, me te mea nei kua hoki mai ki raro i te take o Mauao Maunga.

Nuku atu i te rima rau ngā kai-takaro e matapaetia ana ka puta mai i roto i ngā rā e rima e tu mai nei, ka kati te wahanga rehita i te rangi nei.

Ko te tirohanga kā eke ngā pūkenga hahau poro ki ngā tihi teitei.