Te whakataetae Cross Fit o Aotearoa

Te Kāea

I enei rangi whakatā takatū ai ngā toa whakataetae ki te taiopenga Cross Fit ā motu. I Tāmaki Makaurau karapine atu ai ngā rōpū whare hākinakina o Aotearoa, ā, ko tetahi o ngā kapa i whaia e Taroi Black, he tauhōu ki tēnei momo hākinakina, ko Cross Fit Taumata te ingoa.

Whitu karaka i te ata ka puta ngā kaiwhakataetae Cross Fit ki te mura o te ahi.

Cross Fit, he whakapakari tinana i tae mai ki Aotearoa nei mai i Amerika i te tau rua mano. Koinei ngā whakataetae ā motu i raro i te mana whakahaere o Cross Fit HPU o Tāmaki Makaurau.

Kua rua marama noaiho te roopu no te whare hakinakina i Takanini a Cross Fit Taumata e whakaharatau ana i roto i tēnei hākinakina.

Ko tētahi o a ratou mema ono tekau tau te pakeke he toki no te Ao Cross Fit i Amerika a Gary Jones. A, kua mātau a Jones mo ngā wāhanga whakataetae ka wharikitia i tenei rangi mo ratou te hunga whakataetae.

Ko Mount Cross Fit 2 mo te hunga pakeke me Infinte 1 mo te reanga takawaenga, Masters 4010 o te reanga rangatahi ngā toa whakaihuwaka.