Ngā kaupapa: Health, Te Arawa

Te Whakarewa o te rā 'Smear Your Mean'

Mere McLean
  • Waikato/Te Waiariki

Koinei te rā i puta ai te whakatau, kua pāngia a Talei Roimata Morrison e te mate pukupuku ki te whare tangata, ā nāna te kaupapa a Smear Your Mea i tīmata. Nō te rangi nei neke atu i te kotahi rau, ono tekau tāngata i eke paihikara, i takahi hoki i te huarahi ki Rotorua, hei whakahōnore, whakamahara hoki i a ia. Koinei te whakarewatanga o te rā 'Smear your Mea'. He kaupapa nā te kaihaka, mātanga mātauranga a Talei Morrison. Hei tō te heawahine o te kaupapa Smear your Mea “koinei tētahi o ōna moemoeā, kia whakarewa i tētahi rā hei whakapuaki i te tino kaupapa kia tirohanga o tātau wāhine Māori i to rātou whare tangata, kia kore e pā tēnei momo mate”. Kotahi rau, ono tekau te hunga i rēhita kia eke paihikara mo te rima tekau kiromita i te roto o Rotorua, te hīkoi rānei I te ono ira rima kiromita mai te urupā o Kauae te waahi okiokinga o Talei ki te roto o Rotorua. Ki tā Eru Keepa, tūngane o Talei “waimarie tātau ki te hapori te whānau katoa kua tautoko i a mātou i tēnei wā taumaha, kua piki te ora, kua piki te wairua, na tērā o ngā ahuatanga”. Ia tau ki Aotearoa, kotahi rau, ono tekau te hunga wāhine ka pā ki te mate pukupuku ki te whare tangata, rima tekau o rātou ka mate. He mōrehu a Kiri Kepa na te mate pukupuku ki te ū, koia tētahi kei te tautoko i te kaupapa mā te eke paihikara, engari ko tōna whakatūpato kāua e ngoikore. “Kotahi tau te roa i tatari au, nō reira kāua e pērā haere kia tirohia koe”. Ka huri te aro o tēnei kaupapa ki ngā rōpū haka e anga atu ana ki Te Matatini a tērā tau ki te tautoko i tēnei kaupapa.