Te whakakotahi a ngā Rarauhe Hiriwa ki Tāmaki i mua tonu i ngā Taumāhekeheke Hoa Whenua

Te Kāea
  • Tāmaki Makaurau
Liana Leota, Silver Ferns

Kua whakakotahi ake ngā Rarauhe Hiriwa ki Tāmaki Makaurau kia rite ai rātou mō ngā taumāhekeheke hoa whenua o te ao ki Kotirangi. 

Tokowha ngā uri Māori i whai wāhi atu ki te kapa:

Joline Henry (Te Ati Haunui a Pāpārangi)

Liana Leota (Ngāti Whititama)

Cathrine Latu (Ngāpuhi)

Jodi Brown (Ngāti Rauru) 

Hei te tekau mā wha o tēnei marama ka wehe atu te kapa, engari ka rere moata kē atu a Liana Leota ki Ingarangi kia whakatauria ai āna tamariki ki Manchester ki te taha o tōna hoa rangatira e tākaro whutupōro ana ki reira.

Atu i reira, ka piri atu ia ki ngā Rarauhe Hiriwa ki Bath mō ngā whakaharatau whakamutunga i mua i te tīmatatanga o te whakataetae nui.  Hei tāna, ahakoa ko rātou te kapa e pupuri ana i te metara koura, kei te kotahi tonu tā rātou titiro ki ngā kemu tuatahi, kaua ki ngā whiringa whaiti, whiringa toa rānei.