Kaupapa: Netball

Tē wehe a Joline Henry i te hākinakina poitarawhiti

Taroi Black

E mutu ana a Joline Henry, Rarauhe Hiriwa o mua i tana tākaro poitarawhiti ki Aotearoa.  Engari ehara i te mea ka huri tana tuara i te tākaro nei.

Kua motu e Henry āna here kua tekau ma waru tau e tuitui ana ki te ao poitarawhiti o Aotearoa, kia herea ki ara kē.

Toru tekau mā toru ōna tau, ā, ka hunuku a ia me tana hoa tāne a Leif Johansson me tā rāua tama a te Aihireinga, ki Ingarangi hei te tau hou ki te awhi i te kapa Mavericks i roto i te whakataetae UK Super League.

I hīmata ake ia i roto i te kapa o Aotearoa i te tau rua mano mā whā.  He hoa piri tata ia ki ngā toa tākaro pērā i a Irene van Dyk.  He toki ārai, kaiwhāngai hoki.

Kua kite hoki a Henry i ngā auheke i te wā i hinga a Aotearoa ki a Ahitereiria i ngā whakataetae o te āo rua mano mā whitu me te rua mano tekau mā tahi.  Engari ka wikitōria ia me te kapa i te mētara koura i te tau rua mano tekau i ngā whakataetae hoawhenua ki Delhi.