Te tira Poitukohu Māori o Aōtearoa i Hawaii

Mahea mai i te powhiri a te Māori, i te Māori ki runga o Hawaii, koinei te kaupapa nui mo te tira Poitukohu Māori i tae ki te whakataetae nui i Hawaii. E ai ki tetahi o nga kaiwhakahaere o te kaupapa nei a Kim Makekau” he mīharo rawa atu matou ki to ratou taenga mai, tokomaha nga iwi Māori i tae mai ki konei, ka tautoko ana tā ratou kaupapa”.

Kua wha tau te kapa o Aotearoa e whakawhiti atu ana ki Hawaii ki te whakarāngai ake i te whakataetae Asia Pacific motuhake. I tona timatanga he mea whakawhanaunga noaiho. Engari inaianei, he pūmanawa whakawhanake. Ko te whakatau a Ross Taurima “ i kitea mātou te angitu o tenei kaupapa mo nga kaitakaro rangatahi kia hau mai ki te whai wāhi akene pea ka taea e nga kaiwhakahaere o nga tira rongonui o te ao te kite i a ratou pukenga, te whakaritea hoki i aua kaitakaro i roto i a ratou ake tīma”.

Kua whanake mārika te kapa mohoa nei. Kua whanake hoki te whakataetae me te whakapae ka tahuna marikahia te riri e ngā kapa nō ngā tōpito katoa o te moana nui ā kiwa. I tenei tau i kawea mai te pakoko tawhito o Pāora Winitana mo te wā tuatahi, hei mea akiaki i te hunga mātātahi, me te whakatairanga hoki i a ratou. Ka whakataetae atu nga tira o tenei kaupapa mo te katoa o tenei wiki tae noa ki te mmutunga o te wiki ka kite i te tira ka angitu i tenei kaupapa motuhake.