Te tauwhāinga Orimipia Kaumātua

  • Waikato/Te Waiariki

Nō tēnei wiki he tini ngā kaumatua Māori nō te Puku o te Ika ka ikapahi atu ki te whakataetae, hei tā rātou, e whakarangatahi ana i a rātou. 

Ia rua tau ka whakahaerehia te tauwhāinga Orimipia Kaumātua, ā, ahakoa ko te wikitōria tētahi whāinga nui, ko te katakata me te whakawhanaungatanga ngā tino.

Kia whai wāhi mai ai koe ki tēnei whakataetae, me Māori mai, me kaumātua mai hoki.

Ā, ahakoa te kaumātua, e koi tonu ana te hunga nei ā-hinengaro, ā-tinana hoki.

Tekau ngā rōpū nō ngā iwi o Mataatua me Te Arawa i tau mai ki Kawerau ki te whakataetae i ngā hākinakina pēnei i te 'Ring of Fire' me te 'Needle Hockey'.

I tēnei whakataetae ka tū ia rua tau, ka puta mai a hīanga, a tīhohe hoki i roto i ngā mahi i runga noa i te wairua harakoakoa. 

Kāti, he hua pai ki ngā Uri o te Kohu, i toa mai ko Ruatahuna, ko Ngāti Awa i eke ki te tūnga tuarua, ā, ko ngā kaihautū i tēnei tau ko Tūwharetoa i tuatoru mai.