Tē taea e Aotearoa te haere ki Piripane mo te tukinga i waenga i te kapa i raro i te tau 18

  • Tāmaki Makaurau
  • Ahitereiria

Kua whakakorehia e Rīki Aotearoa te tukinga i waenganui i te kapa i raro i te 18 tau te pakeke me te kapa kura tuarua o Ahitereiria i te mea tē taea e Aotearoa ngā nama, ki te haere ki Piripane ki te tākaro hei te rua tekau mā whitu o Mahuru me te tuarua o Whiringa ā nuku te utu. 

E mea ana tēnei pakoko tawhito me tuku ngā punua kaitākaro kia eke.

E ai ki a Tony Kemp ‘We had very strong pathways that were there so that our kids especially in NZ, we could retain their hearts for NZ.’

E rua wiki ki muri whakakorehia e NZRL ngā kēmu a ngā taitama o Aotearoa ki a Ahitereiria i tīmata i te tau 1972, i te iti o ā rātau pūtea

Hei tā Tony Kemp ‘For me it's probably the last important step for a kiwi boy, knowing that I come from a small rural town in Waitara, got to play three years in the Junior Kiwis structure and went to New Castle, you know 25 tests and 14 years as a pro is testament to what that key part of the pathway is.’

A pēnei i a Kemp he tini ngā Kiwi onāia kua whakamau i te poraka taitama pēnei i a Issac Luke rātau ko Manu Vatuvei ko Greg Eastwood i tākaro i te tau 2005. Ko Piki Rogers anō hoki tētahi i mau i te poraka nei i te tau 2013, ināianei kei te kapa tāina o ngā Bulldogs ia e tākaro ana. 

 Ko tāna he raru nui tēnei āhuatanga mo ngā tira o Aotearoa.

E manako ana a Kemp ki te kore te NZRL e whai pūtea mō te tukinga nei, ka toro mai he ringa āwhina i te NRL.

Ko te korero a Tony Kemp mēna ka whakkorehia te kēmu he raru ka pupū ake, ko te tūmanako ka tu mai te NRL ki te kawe i tēnei kaupapa kia tutuki ngā kēmu. 

Ahakoa kua whakakorehia ngā tukinga e whakawhitiwhiti kōrero ana te NZRL ki te komihana rīki o Ahitereiria kia whakaritea he tukinga hei te mutunga o te tau.