Te Pō Tuku Tohu o Te Arawa 2013

Tamati Tiananga
  • Waikato/Te Waiariki

Muia katoatia te whare hōtera Holiday Inn o Te Whakarewarewa e te tini o Te Arawa tāngata ki te whakatairanga me te whakanui i o rātou mahuri tōtara, tautōhito o te ao hākinakina.

Ko tētahi i puta ki te keokoenga o te maunga i te wāhanga Te Puia Te Arawa, ko te Tangata rongonui a Minarapa Mitai-Ngatai.

Āpiti atu ki te wāhanga Kapa Toa Rangatahi o Te Arawa, anei ko ngā kapa e toru i whakanuia.

O ngā toru tekau kaitākaro i whakanuia, e whai ake nei te tokoiwa kua hōnoretia ki te karahipi mō te whakaheke tōtā, arā whakapaukaha ki ngā mahi hākinakina, ahurea, mātauranga, mahi ā-hapori, ā-whānau, ā-iwi, ā-hapū, ā-marae hoki.

Huri atu ana ki ngā tohu matua, ko te kapa poirewa nō te kura tuarua o Rotohokahoka i toa i te wāhanga Kapa o te Tau.

I whakaingotia ko Te Wehi Wright, Kaitākaro Tāne o te Tau.

I tohua ko Honey Hireme, Kaitākaro Wahine o te Tau.

Ā, koinei te hui kotahi i Aotearoa he auahi kore, he waipiro kore, he tarukino kore, he mea nui tēnei mō te iwi Māori.