Te pakari hoki o ngā tīma Aotearoa ki ngā whakataetae waka kōhuka o te ao

Mere McLean
  • Waikato/Te Waiariki

Tū ana te ihi me te koa i ngā toa kōhuka o te ao e hiki ana i te mānuka i ngā whakataetae o ngā rangi tata nei.

Mai i te hunga Rangatahi ki ngā wāhanga tuwhera o ngā pākeke, wāhine mai, tāne mai.

Ko tā ngā poutoko o te whakataetae waka kōhuka IRF o te ao, me whakamana ka tika tēnei hākinakina ki roto o Aotearoa.

I tu te whakataetae o te ao ki runga i te awa o Tarawera ki Kawerau. Te Kaituna ki Rotorua.  

Ā, inanahi nei, i runga tonu i te awa o te Rangitaiki ki Murupara.

Engari i te mutunga iho i tae tuatoru mai te tima tāne o Aotearoa, ā, mo te tima wahine o Aotearoa, he mētara koura te whiwhi mō ā rātou whakapaunga kaha.

Ki te taha o ā tātou tīma pakeke e rua, nā te ekenga tahi ki te tūnga tuatahi te whakataetae whakaharahara nei i whakakōpani ake, me te aha, ki Brazil ahu atu ai te ihu mō ngā whakataetae ā-ao rua mano tekau mā whā.