Te koi o Aotearoa mo te Poipapa

Kua rite te kapa poipapa tuatahi o Aotearoa ki te puta ki te papa poipapa o te ao. Marama ana te kite i te manawaru o nga toa takaro kua whai waahi ki te takaro mo Aōtearoa. Ko tā tetahi kei te whai waahi ki tenei kaupapa kia Te Wera Bishop, “he honore nui tenei te haere ki whenua kee mo te waa tuatahi ki te whai waahi ki tetahi whakataetae penei rawa te nui”.

I tipakohia enei toa no ngā tōpito o te ao, i Amerika, i Kānata me Ahitereiria. Kā mutu e noho ana ngā tuakana, teina Moanaroa ki Poihakena ki reira takaro ai mā te kapa Sydney Blue Sox. Ko tā Boss Moanaroa “ he honore nui te kite i te tokomaha o nga tamataane no nga topito katoa o te ao pera i a Amerika, Kānata ara me to tatou nei tira no Aotearoa”.

Pera i te nuinga o te kapa i timata nga tuakanateina Bishop ki te poiuka katahi ka pā te ringa ki te poipapa. Ko te whakatau a nga kaitakaro tuturu i timata ai te katoa ki roto i te ao poiuka, koira te take e mohio pū ana ratou ki nga tikanga o te takaro poipapa nā te mea he ahua ōrite nga tikanga ko te pōro anake te mea rerekē. Tapiri ki tera ko ta ratou ano kua kaha kitea te whanaketanga o tenei kēmu ki Aotearoa nei .

Hei te Rātapu ka rere atu te kapa nei ki Ahitereiria mo etahi tukinga whakamahana kia Poihakena me Canberra katahi ka peka atu ki Taiwan me te manako, ka matakihia te hanga o tā ratou takaro.