Te kēmu tuarua o te Ipu Constellation

Rahia Timutimu

Hei te pō nei tākaro ai te kapa Rarauhe Hiriwa i tā rātou tukinga tuarua i roto i te whakataetae Ipu Constellation, ā, ko te whai o ngā wahine o Aotearoa kia rua ngā wikitōria i ngā tukinga e rua ki ngā taimana o Ahitereiria.  I wikitōria te kapa Rarauhe Hiriwa mā nā piro e whā i te tukinga tuatahi i te Rātapu kua hori, heoi e mōhio ana rātou ka hoki mai a Ahitereiria, ka pakanga kia noho here ai ngā wikitōria, he kotahi ki te kotahi.

Ahakoa te harikoa a te motu i te wikitōria a ngā Rarauhe Hiriwa i te Rātapu ki a Ahitereiria, e mōhio ana te kapa ehara ia i te tukinga hei whakanui, engari kē kua kite he pūkenga hei whakangungu i mua i te tukinga i te pō nei.

Ko te Tuki Paehau tētahi tūnga me whakakaha ake.  Nā Anna Thompson rāua ko te uri Māori hoki a Courtenay Tairi tērā tūnga i hāpai, heoi kāore te kaiako a Waimarama Taumaunu i rata atu.

Ahakoa te ngoikoretanga i taua tūnga, ko a waenganui i tokatū i a Laura Langman, ā, ki te tohu anō ia ki tēnā tūnga hei te pō nei, ko te tohunga tua iwa tekau mā rua karapīpiti mā te uri Māori.

Kua noho toa-kore ngā Taimana e rima tukinga karapīpiti inaiānei, heoi e mōhio ana ngā Rarauhe Hiriwa ka pakanga ngā hoa o te Tāhimana mō te hemo tonu atu kia kaua tēnā e piki ki te ono hei te pō nei.  Ko te hiahia a Aotearoa kia whītikitia he wikitōria anō i mua i te whakawhitinga ki Ahitereiria hei tērā marama.