Kaupapa: Rugby League

Te Kaiako Tuatahi o te Kapa Wāhine Warriors

James Perry

Kua roa a Luisa Avaikitavesivesi e noho ana ki te ao whutupōro rīki, kaitakaro mai, kaiako mai. 

I te takaro ia i te Rīki mō ngā tau rua tekau kātahi ka tāoki, ka toko ake te hiahia kia huri ōna aronga ki ngā mahi kaiako, tīmatahia atu i te tīma tamatane raro iho i te 16 tau te pakeke. 

E hikaka ana ia mo ngā wāhine e takaro nei i te kēmu, a e kite tonu ia i ngā hua ka taka mai ki ngā rangatahi hoki. Mokopuna mai, rangatahi mai tae rawa atu ki ngā wāhine e wawatatia ana ki te poraka Rarauhe Kiwi. 

Me aroha noa ki te rīki, te takaro rīki me ō hoa, koia noa iho tana whakamanawa atu ki te hunga wāhine e tiro hōkaka atu ki te NRL no te whakaurutanga atu te karapu Warriors ki te NRL.

Otirā hei ngā wiki nei ka hui tahi anō a Avaikitavesivesi ki ngā kaiwhakahaere o te karapu kia whakarite atu i ngā kaitakaro ka whai wāhi atu ki te tima wāhine ka tū ki te whakataetae hou a te NRL.