Kaupapa: UFC

Te Huna ready for the octagon despite injury setbacks

Tamati Tiananga
  • Tāmaki Makaurau

Me mate ururoa, kei mate wheke, koia nei te urupare a te kawhawhai nei o te reanga middleweight, hei te mutunga marama puta atu ia ki te mura o te ahi Octagon.

Kua whai kāinga rua a Te Huna ki Tāmaki Makaurau, ā, ka mutu, kua hangaia e Hongere Sky he whare whakapakari mōna, ā, ahakoa kua pākia ia e te wharanga, ka whāia tonutia e ia te moemoeā.

Nō tēnei wiki tonu i rāngona e Te Huna te mana o te kaiwhawhai heavyweight nei a Mark Hunt me te aha, māna tonu a Te Huna e hāpai kia eke tangaroa, hei te Mahuru pakanga atu ai a Hunt ki a Roy Nelson ki Hapani.

Ko te uri māori nei a Robert Whittaker e whakapau kaha ana mō tāna whawhai mana nui ki a Mike Rhodes.

Hei te pō nei, ko Robert Whittaker, James Te Huna, rātou ko Mark Hunt ngā manuwhiri tua-a-rangi o te hōtaka hākinakina o Whakaata Māori ko Code te ingoa, hei te haurua i te waru karaka.