Kaupapa: Netball

Te haukerekeretanga o te kapa Magic e te kapa Steel

Ruth Smith
  • Waikato/Te Waiariki

He wairua taumaha i rāngona e te kāpene o te kapa Magic, e Casey Kopua, i a ia ka mātaki i te hinganga o tana tīma i te kapa Steel.

Ko te wharanga tēnā o te waewae o Kopua i whakanōhia ai a ia, ā oti noa te whatinga.  Ā, rāngona ai, kitea ai hoki te korenga ōna i te papa tākaro.

Wanea kau ana te kāpene o te kapa Steel, a Wendy Frew, nō muri mai i te toanga o rātau ki te kapa Pulse, ā, rewa anō ana te ngākau i tēnei tutukinga o tana tīma.

E arotahi ana a Frew rātau ko tana kapa ki ngā whiringa whāiti, ā, e whai ana kia whakapiki i ngā pukenga e tau pai ai rātau ki tēnā taumata.

Ko te tatauranga whakamutunga, e 76-60, ā, e tatū ana te kapa Steel ināianei ki te tuki atu ki te kapa Tactix.  RS, TK.