Te hākinakina e whakakotahi ana i te koroua me tana mokopuna

  • Te Tai Tokerau

Mō ngā tau tekau kua pirori maitai a Chester Ruawhare. Koinei tana tau tuarima ki te whakataetae pirori maitai o Aotearoa. Hei tāna tokomaha ngā tangata kei tōna rohe e kaha rata atu ana ki taua hākinakina.

Heoi e rerekē ngā ahua i tenei whakataetae, kei tōna taha tana mokopuna tekau tau te pakeke, ara ko Kenny Mokaraka. Ko tā te koroua, e hīkaka katoa ana ia ki te kaha o tana mokopuna mō tenei hākinakina ko tāna kua whakapakari i āna pukenga mo te āta whakāro me te tū tau noa.

E rua tau a Kenny e takaro ana i te pirori, a, koinei tana whakataetae tuatahi mo te karapu o Kaikohe ara te karapū o tōna koroua. Ko tā Kenny kare i te pai kia takaro i ngā hākinakina tuki tinana nā reira i puea ake tōna hiahia ki te takaro pirori maitai inā kua tutaki atu ia ki ētahi hoa hou, ētahi mohiotanga hou.

Hei tā ngā kaiwhakahāere, e rikarika ana rātou i te kitenga o ngā tamariki rangatahi ki tenei hakina.

I tuki tuatahi tā raua kapa a Kaikohe ki tētahi kapa no Franklin ki Kirikiriroa, a ko te wikitoria te mutunga ake. Ko tā raua, e kaha whakahīhī raua tahi kia raua ano.
I ngā kaitakaro rua rau whā tekau ki te wahanga tāne, kare e  kore ko Kenny tētahi o ngā kaitakaro i whakatau i ōna pukenga, i ako mai tōna koro.