Tauwhāinga mekemeke ā motu

  • Tāmaki Makaurau

Ko te taitama Māori , ko Jayden Downs tetahi i whai urunga, ā, Ehara i te mea he mama noa āna whakatikatika kia taea ai e ia te noho tonu ki te reanga hou. I te kaha hihiko a Jayden Downs i mua i tona whiringa toa, koia rā te whawhai mo te toru tekau ma waru kirokaramu, ā, ahakoa kare he nui tona kai I te angitu tonu aia, ko te whakatau a Jayden “ e mohio pū ana au kua whakapau toku kaha kia eke toku tinana ki tenei taumata”.

Ko tona hoariri i taua whawhai ko Anaru Shannon , mō ētahi koinei te whiringa toa nui o te wiki, heoi ahakoa te kaha whiu o tana hoariri i ngā meke, aro tonu ana a Jayden ki tana whāinga . I te rauna whakamutunga i whakapau i tana katoa kia wikitoria e ia te whawhai, rua tekau ma toru ki te tekau mā whā. Ko tā Jayden “koinei te whawhai papai rawa, koinei taku tohu tuatahi o te motu nā reira e harikoa ana ahau”.

I te ra whakamutunga o te whakataetae ko Moana Tahuriorangi he kaimekemeke mo te kotahi tau me te hawhe. Nāna i wikitoria te taitara o te motu i te reanga whā tekau kirokaramu i tera tau, angitū ana ia i te wikitoria i te reanga rima tekau kirokaramu. Ko tā Moana “e whakapono ana au ka taea e au te eke ki nga taumata i tenei tau mo tenei reanga”. Mo tona hoariri a Hinehou Flannagan koira tana whawhai tuatahi, ahakoa i kaha whakapou werawera ia ko Moana ano tera i puta ki runga rawa.

Ki te whiringa toa mo ngā tāne whitu tekau mā rima te taumaha, ko Tyrone Warren i tuki atu kia Ethan Kulatea. E wha anake nga wiki whakangungu mo Tyrone mo tana whawhai, a i kitea tera ahuatanga i roto i tana whawhai. I te mutunga ko tana hoariri i te pakari rawa, nana ano te wikitoria 35- 22. Ko te whakatau a Tyronne Warren ahakoa i te pouri ia ki tona hingatanga i te mohio pū ia i whakapou katoa tona kaha.