Kaupapa: Rugby League

Tata rawa te kēmu ki waenga i ngā kapa Manukau-Whānui, Waicoa Bay hoki

Mere McLean
  • Waikato/Te Waiariki

I tata pahū te tihi i te rā tuarua o te whakataetae NZRL Whutupōro Rīki Rangatahi e tū ana ki Rotorua ki te papa o Puketāwhero.

Mō ngā whakaihuwaka o tēnei whakataetae o tērā tau, mō Counties-Manukau Stingrays, i tūtaki rātou ki ngā Waicoa Bay Colts i te wāhanga U17s.

Nā ngā Colts i whakatō i te wairua mō tēnei tūtakinga.  Heoi nā ngā Stingrays i pae ki mua o te rārangi tatau i te tuatahi.

Tekau mēneti noa e toe ana i te kēmu, i hemo te kaitīkape o ngā Stingrays, he patunga nui tēnei mō ngā toa o tērā tau.

Haurua mai, tekau ngā piro ki ia kapa.

Engari i tē wāhanga tuarua, te keokeotanga o ia kapa, i a ngā Stingrays te pakihiwi waka, engari i a ngā Colts te tere me te pakari.

I te mutunga iho, ko Stingrays ki mua, heoi e kore rawa ngā Colts i tūohu noa, e rua noa iho ngā tatau e wehe ai ngā kapa.

Tatau whakamutunga: Counties-Manukau 28, Waicoa Bay 26.