Kaupapa: Rugby League

Takairangi takes another step closer to NRL dream

Ruth Smith
  • Tāmaki Makaurau

Ehara i te kaitākaro noa, tekau mā whitu noa te pakeke, heoi paratū ana a ia i te hoariri.

Ko Connagh Takairangi te kāpene o te kapa o Westlake Boys High School, ā, ko a ia hoki tētahi ka haere atu ki ngā puni whakangungu a te kapa Roosters ia tau.  E ai ki a ia, kua pai ake ana pūkenga rīki i tana noho atu ki ngā Rooster, ā, ka whai hua hoki ko tana kapa ā-kura, ā-rohe hoki, arā, ko te karapu o Richmond.

Tekau mā rima noa iho tana pakeke ka whai kirimana a ia ki te kapa Sydney Roosters.  I te rangi nei, taunaki ai a ia i tana tīma kia wikitōria ki te kura tuarua o Tokoroa e rua tekau mā rua ki te ono.

Nā tēnei wikitōria o te kapa kua whai wāhi ai rātau ki te kakari mō te tūranga tuaiwa me te tūranga tuangahuru.  Ko tō rātau hoariri ko ngā toa whakaihu waka o ngā tau e rua kua pahemo ko Southern Cross.  Heoi anō kāre ō Takairangi māharahara, e ai ki a ia kua rangatira ngā mahi a tana kapa, me te mōhio hoki, ehara tana kura i te kura aro ki te rīki.

Hoki atu ai a Takairangi ki te tuatoru o ngā puni whakangungu a ngā Roosters ki Poihākena hai te paunga o tēnei tau.