Kaupapa: Rugby

Tā Colin Meads - He taura here i ngā ao e rua, Māori me te Pākehā

Taroi Black

He kauri nui i te wao whutupōro ka hinga nei. Ko Tā Colin Meads tēra, kaitākaro Ōpango o mua, ka mate i te ata nei i tana whawhai roa ki te mate pukupuku ateroa. He waru tekau ma tahi ōna tau. Hei tā tētahi o ngā reo taki whutupōro a Hemana Waaka, ehara ia i te kaiārahi i te ao Pākēhā, heoi i roto i te āo Māori hoki.

He Ōpango, he tā, he rangatira. 

E ai ki ngā kaimanako whutupōro o te ao Māori, koia te taura here i ngā ao e rua.

"Koia tētahi o ngā mema i roto i te poari o ngā Ōpango e whaiwhai ana ki ngā hiahia ki ngā wawata a te tīma Māori i tērā wā", e mea ana a Hemana Waaka.

I tapaina ia ki te ingoa 'Pinetree' mo tōna tāroaroa, tōna kaha hoki.

Kotahi rau toru tekau mā toru ngā tukinga i tākarotia e Tā Colin mō ngā Ōpango.

He toa ki tōna haukainga o Te Kuiti. E rua marama ki muri i huraina rātou he kohatu hei whakanui i a ia anō. 

Hei tā Hemana Waaka anō, "Nāna i pātai atu ki wana hoa o mua ki te taha o te poari o Tāmaki Makaurau kia heria mai te Hira ki a mātou ki kōnei tākaro ai hei whakamana i te āhuatanga o ngā kaiwhutupōro o te rohe potae."

He taonga hoki a Tā Colin i runga hoki i ngā hotaka a Whakaata Māori.

I te tau ruamano mā iwa i whakawahia ia hei Tā.

He tangata i piri tata ki ngā rangatira o Aotearoa me ngā kahui ariki o te āo.

Ka mahue ake i a Tā Colin tōna hoa rangatrira me a rāua tamariki tokorima.