Sponsorship struggles for Indoor Netballers

Ki te pokapū o Te Whanganui-a-tara whanake ai ngā whakataetae tara-a-whare ipu poitarawhiti o te ao mo ngā kapa takawhitu. Koinei te wā tuatahi e tū ai te taiopenga nei ki Te Whanganui nō te tau rua mano ma toru e tu ai ki Aotearoa. E manako ana ētahi kaitākaro ma te whakataetae e whānui ake ai ngā hiahia o te hākina ki waenga i te marea.

He tuatahitanga tēnei ma te kaiwhakataki, ma Marutawhao Delamere ki ngā ipu-ā-ao.

“He maha ngā momo āhuatanga rerekē o tēnei whakataetae. Ko ngā kaiwawao tētahi mea nui, ngā kaiwhakahaere o tēnei whakataetae, te nuinga o rātou he Māori. Kaore he nui te pūtea tautoko nō ngā hāpori nō te manatū o tēnei hākinakina, engari ko te tino ngākau o te hākinakina tētahi mea nui.”

Mō te tokomaha o ngā kaimahi, me ngā kaitākaro o te whakataetae nei, nā rātou tonu i utu kia tae mai ki kōnei. nā te iti o ngā putea tautoko mō ngā hākina tara-a-whare. 

Hei tā Kaiwhakahaere Marcia Te Ratana, “Hopefully from having this here we can expose the sport to the wider community of NZ and also to maybe be recognised from Sports NZ in the future and hopefully get some personal sponsorship for either players or the sport itself of Indoor Netball that would be fantastic because a lot of our players including our umpires and managers and coaches are all self-funded.”

E ai ki a Delamere, koinei te papa tākaro a ngā tōtara whakahae, ngā kaiako, kaiwawao me ngā kaiwhakahaere kia eke panuku.

“Kei roto i ngā tīma wētahi o ngā kaitākaro wahine e kaha ana ki te whakangungu, whakaharatau mo te elite league e haere tonu mai ana i te taha o Poitarawhiti o Aotearoa, ā ngā kaiwawao e kaha ana rātou te mahi i ngā kēmu o Poitarawhiti Aotearoa e eke ai rātou ki te ANZ Championships me ēra tūmomo whakataetae.”

Hei tēnei Rātapu ka mutu te tonamana kōtahi wiki te roa nei. Ki konei kitea ai mena rānei ka angitū a Awherika ki te Tonga, a Ingārangi, a Ahitereira, a Aotearoa.