Kaupapa: Boxing

Shaye 'Mr Business' Brock wins career-defining bout

Kua toa a Shaye "Mr. Business" Brock o Ngāti Porou i tōna whawhai ki a Ray "The Muss" Musson mō te taitara NZ National Super Welterweight. He toahanga mana nui tēnei ma Brock, me tōna taitara ngaio tuatahi.

Nō te marama o Huitanguru whakatau ai te whawhai ki runga o YouTube, i reira mea ai a Musson ka hāua e ia ngā kaokao o tōna hoa riri. Heoi, nā Brock te kupu whakamutunga. 

Hei tā Shaye Brock "Mai i te rauna tuarua, tuatoru pea āhua piki ana te whakahīhī. Mai i kona i whakaaro kīhai taku hoa riri ka taea te wikitōria ki au."

Ka wikitōtia a Brock i ngā rauna katoa o te whawhai. Nā tētahi meke whakarunga a Brock i te rauna tuono hinga ai a Musson i ngā meneti e toru. 

Ko tā Brock, "Tino koa ana te ngākau, tino harikoa te whānau, te tīma. Ko te mea nui ki au nei, kua oti. Ka taea e au te whakatā inaianei. Te whakaritea mō ngā mea e tū mai nei."

He rekoata toa tekau ma tahi whawhai tōna ki te wāhanga Super Welterweight, wai hoki koinei tāna wikitōria mana nui tuatahi. He tā tēnei kaiako whakaharatau, koinei kē te timatanga o tāna huarahi ki angitū.                                                                                                                                                                                                                                                                                                                                   

"Ka kōrero au ki taku tīma, mā rātou e arahia i taku huarahi. Ko taku mahi he tū ki runga i te ātamira hei whawhai."

He whakatā te mahi a tēnei pāpā inaianei i mua i tana uru ki te rīngi hei te otinga o tēnei marama. Kaore anō tōna hoa riri ki a whakatau.