Sharks secure place in NRL Grand Final

  • Ahitereiria

He tū mārō hītararī nō te kapa Cronulla Sharks e eke ai rātou ki tā rātou whiringa toa NRL tuatahi i ngā tau tekau mā iwa pūanō. He nanakia tonu te āhua tākaro a te kapa o Poihākena ki runga i ngā toa whakaihuwaka NRL o tērā tau, arā, ngā North Queensland Cowboys i Poihākena ināpō.

He timatanga wiriwiri mō Lachlan Coote, tē mau i te pōro mō ngā Kaupoai. Nā wai nā wai ka rongo ngā Kaupoai i te ngau o ngā Mango ki te wāwāhi i te rārangi ārai.

E rua ngā piro kīhai i ea mō ngā Mango i ngā mēneti tekau, heoi nā ngā hapa ngā Kaupoai i whara ai kia whai rangatiratanga tonu ngā Mango i te haurua tuatahi.

Haunga rā ngā pūkenga a James Maloney kia kōkiri ai ōna hoa a Sosaia Feki me Chad Townsend i te rarangi piro i mua i te tangi o te pere. Tekau ma whā ki te kore ki ngā Mango.

Ka ora mai anō a Coote i te wehenga rua kia whai i ngā piro tuatahi mō ngā Kaupoai.

Heoi ahakoa ngā whakapetongoi a ngā toa whakaihuwaka o mua, auare ake. Ka mate ururoa ki ngā Mango, toru tekau ma rua ki te rua tekau.

Hei te pō nei tuki atu ai te kapa Poipiripi ki a Canberra. Ma reira kitea ai ko wai ka hua ko wai ko tohu i ngā whiringatoa ki te taha o ngā Mango.