Nā te kaipara hauā o Ngāi Tahu, nā Holly Robinson tōna anō kāinga tupu o Hokitika i whakakanohi i Ngā Taumāhekeheke Ōrimipia Kaipara Hauā ki Rio de Janeiro. Me te aha, kua wāhi atu rā ia, rua tekau mā tahi noa iho nei te pakeke hei kaiamo matua i te pou haki o Aotearoa ki te whakarewahanga matua i tēnei rā.
Ko Shirley Crowley pea te Taua poho kererū rawa puta noa i te motu whai muri i tana mātaki atu i tana mokopuna, i a Holly Robinson e kawe ana i te mana o te motu ki te whakapuakitanga o ngā Pararimipia.
“Oh it was just wonderful, it's just a dream come true.”
I te tau rua mano tekau ma rua i Ingārangi tae tuawhitu mai tana whakataetae Pararimipia tuatahi. I tēnei tāna tau tuarua ki te whakataetae nui taioreore nei, e matapaetia ana he kōura te whiwhi ma te mārekura kaihōroke nei.
“From about 7 or 8 she said, 'I'm gonna win everything I go in for' and that's what she's been sort of doing most of her life.”
Ahakoa tōna rangatahi, he nui tonu ngā tutukinga a te kaihōreke, nō te tau tekau ma toru wikitōria ai ia i te mētara hiriwa, me te tau tekau rima i te mētara rauwhero ki ngā whakataetae-a-ao o IPC.
“She's had a lot of time put into her training and she just loves to train. She knew where she wanted to be and she's going to be there sometime.”
Ko Emma Foy, a Jacob Phillips, rātou ko te toawhakaihuwaka o te ao a Cameron Leslie ngā kaitākaro Māori e whai wāhi ana hoki ki Rio. E ai kia Taua Crowley, ko te mutunga mai o te ārikarika ki Hokitika.
“Yeah it's just hyping up all of a sudden, because all of a sudden it's here and it's all hyping up, I've had lots of phone calls and emails and things so it's great!”
Hei āpōpō timata ngā kēmu ki ngā Pararimipia.