Kaupapa: Netball

Pulse let win slip away

Rahia Timutimu
  • Te Whanganui-ā-Tara

I mōhiotia whānuitia ka tata ngā kapa o tēnei tukinga, a nā ngā hapa paku noa i hua ai a Pulse, kia arahi mā te kotahi piro i te mutunga o te hauwhā tuatahi

Heoi, i te hauwhā tuarua, ko Pulse tēra i hapa, kia puta ai te ihu o Steel mā te kotahi piro i te wehenga rua

He ngāwari te tuku i te pōro ki a Jhaniele Fowler-Reid kia toru piro ki mua i te hoariri. Heoi, i hoki mai anō a Pulse, kia arahi mā ngā piro e rua i te otinga o te hauwhā tuatoru

I mau tonu taua arahitanga, i tētahi wāhanga i arahi a Pulse mā ngā piro e whitu me te āhua nei ko rātou ka wikitōria i tēnei tukinga Heoi, nā te ūpoko mārō o Steel i tata ai ngā kaute i waenga i ia kapa, he rua piro noaiho te whai i ngā meneti whakamutunga e rua

A, nā te pā a Jane Watson. Me tēnei piro i ōrite ai ngā tatau, he kotahi meneti e toe ana

Nā tētahi piro a Ameliaranne Wells, i whakamua anō ai tana tira. Heoi, i ngā hēkona whakamutunga, i whakaōrite ai a Steel i ngā kaute, kia rima tekau mā rima ngā piro ki ngā kapa e rua