Kaupapa: Rugby League

Pt Chev Pirates ngā toa o te whakataetae Fox Memorial

  • Tāmaki Makaurau

Mo te wā tuatoru ko te kapa Pt Chev Pirates ngā toa o te whakataetae Fox Memorial, i turaki rātou ia Mt Albert, e rua tekau mā rua ki te tekau ngā tatau. Ahakoa i te noho rite ngā tatau i te wehenga rua, ehara i te wā kōhuki mā te kapa Pirates, me te whakaatu te take kua wikitōria rātou i tēnei whakataetae mo ngā tau e rua kua taha ake nei.

I pakari te taha ārai mo ngā kapa e rua, kia kore ai te hoariri e whai piro.

Nō te meneti rua tekau mā iwa rā anō ka pakaru i ngā Pirates te taha ārai.

Kāre i roa, ko ngā Lions tēra i whai hua.

Kia noho ōrite ai ngā kaute i te wehenga rua, e ono ngā kaute ki ia kapa.

Ko ngā Lions te tuatahi ki te whakawhiti i te rārangi piro i te haurua tuarua, heoi nā te pakari o te taha ārai a ngā Pirates kāre rātou i whai hua.

Otirā he rerekē mā ngā Pirates, ngāwari noa mā rātou te whakawehe i te rārangi ārai kia puta ai rātou ki mua.

I hoki tōtika mai ngā Lions, kia whai piro ai i te kokongā maui.

I ngā meneti e waru whakamutunga o te tukinga, i ia kapa te tūpono ki te wikitōria i te tukinga nei, heoi, koia tonu te wā i whakaatu ai ngā Pirates te take ko rātou ngā toa o tēnei whakataetae mo ngā rua tau ki muri.

I te mutunga ake, ko nga Pirates tēra i wikitōria i te taitara mo te tau karapīpiti tuatoru, he rua tekau mā rua ki te tekau ngā tatau whakamutunga.