Kaupapa: Netball

Poitarawhiti ANZ Rauna 8 - I hinga a Stars ki a Pulse

Rahia Timutimu
  • Tāmaki Makaurau
  • Te Whanganui-ā-Tara

He tukinga anō, he wikitōria anō mā te kapa toa, ma ngā Pulse.

I oke a Maia Wilson i tā te ururoa oke, i waho atu i ngā whiunga whā tekau mā rua, i eke ai āna kurunga whā tekau mā tahi.

Mai i te timatanga i koke ai a Pulse, kia arahi ai i a rātou te tukinga, nā tēnei i hanumitia ai te kapa Stars e ngā kaiako.

Ko Ellen Halpenny tērā i kuhu mai mā Paula Griffin, ko Anna Thompson ki te pokapū mā Holly Fowler.

Heoi anō ko Pulse tērā i kaha aru i te hoariri, kia arahi mā te tekau mā whā tatau i te whatinga.

He kapa hou i kuhu atu mā ngā Stars i te hauwhā tuatoru, heoi kāore he aha ki te kapa Pulse.

I eke anō ai a Pulse i te hauwhā tuawhā, kia wikitōria mā ngā kaute tekau mā ono.

Ko te tukinga e whai ake nei mā ngā Northern Stars ko te tuki ki a Waikato Bay of Plenty Magic, ki te whare hākina o Pulman, ki Takanini hei tērā Rāapa.