Kaupapa: Rugby League

Pai te hanga o Tāmaki ki te tōnamana rīki rangatahi o te NZRL

Mere McLean
  • Waikato/Te Waiariki

I tīmata te tōnamana taiohi rīki o Aoteaora ki Rotorua ki te papa tākaro o Puketāwhero i te rā nei. 

Ko te wāhanga whiringa uru mō te reanga kei raro i te tekau mā rima, tekau mā ono me te tekau mā whitu. 

Ko te rohe o Tāmaki Makaurau tētahi hei āta matapaki i te mea e toru a rātou tīma kei roto i te whakataetae.

Hei tā Kawana Marsden, “I hinga mātou i te wāhanga whakamutunga, engari i te tīmatanga ka kaha te haere, me ū tonu”.

Ko te wā tuatahi tēnei kua tū te whakataetae ki waho atu i a Tāmaki Makaurau, ko te manako mā tērā pea ka hono mai ētahi atu tīma hōu.

E waru ngā tīma kei roto i te whakataetae nei, ā, he kēmu kei mua i te aroaro atu ki ngā whiringa whakamutunga hei te Taite.