Kaupapa: Touch Rugby

Nō te rā nei whakarewa ai te whakataetae Pā Whutupōro mō te hunga rangatahi

Rahia Timutimu
  • Tāmaki Makaurau
U15 & U17 touch Championships 2015 - Photo / file

Nō te rā nei whakarewa ai te whakataetae Pā Whutupōro mō te hunga rangatahi i tīmata ki Tāmaki Makaurau, kitea ai ngā kapa nō te motu whānui e whakataetae ana ki ngā wāhanga tekau mā rima ngā tau heke iho, me te tekau mā whitu tau heke iho.

I tūtaki a Te Kāea ki ngā toa o tēra tau, ki te kite mēna rānei ka eke anō rātou i tēnei tau.

E mōhiotia whānuitia ko te whakataetae he tekau mā rima tau heke iho me te tekau mā whitu tau heke iho o te motu.

Koinei tētahi o ngā whakataetae nunui rawa atu, ka whakahaerehia e Touch New Zealand.

Ā, mārakerake ana te kite te take he tauwhainga nui tēnei, e ono ngā reanga whakataetae, mō te hunga tāne, kōtiro me te wāhanga hanumi mō ngā tau kei raro i te tekau mā rima me te tekau mā whitu heke iho.

Koinei te whakataetae nui rawa mō te hunga rangatahi, kua tukituki kē ēnei kapa ki o rātou ake rohe, ā, e whakataetae ana ki ētahi atu rohe o te motu.

Ko Tāmaki Makaurau tērā ka tuki ki Tāmaki ki te Tonga, tō rātou hoariri tuatahi i te whakataetae.

Nā ngā hapa paku i raru ai a Tāmaki Makaurau, ā, kitea ana te hiakai o Tāmaki ki te Tonga.

I te mutunga iho i noho ōrite ngā tatau he toru ki ia kapa.

Ko te whakaatu pūkenga te mahi a ngā kaitākaro nei kia whai tūranga ki ngā kapa ā-motu, kua whakatau ka haerere ngā kapa ā-motu ki Ahitereiria i tēnei tau.