Kaupapa: Netball

Nō te kapa Pulse te mana whenua o ngā whiringa whāiti

Ruth Smith
  • Tāmaki Makaurau

Ko te tukinga tuatahi tēnei i whai wāhi ai a Ameliaranne Ekenasio ki te roanga o te kēmu nō te kēmu tuatahi o te whatinga.

Ko te wheako i kitea, i taunaki hoki i ngā pukenga o te manu pīrere, o Aaliyah Dunn.  Nā te tōtika o te whiu i eke ai te tōpūtanga o ngā tatauranga tītere ki te 89%, ā, ko Ekenasio hoki tērā i tohua hai kirikawa.

Me he tī e wana ake ana i ngā hinganga o te Rātapu, ko te kapa Pulse me te kapa Stars tērā i pakanga mō te hemo tonu atu.  Kakari atu, kakari mai i te mutunga iho ko te kapa Pulse i toa i te whakataetae mātāmuri o ANZ.

I whakakitea mai hoki e te kapa Pulse ō rātau kākahu hou e tohu ana i ngā mātāpono o te kapa.

Takaro ai te kapa Pulse ki te kapa Northern Mystic hai te rauna e whai ake nei, ā, mā tēnei tukinga e kite ai ko wai ka tukituki mō te tūranga tuatoru o te whakataetae.