Ngāti Tahinga’s Ash Dixon leads 2016 Māori All Blacks

By Raniera Harrison

Nō te rangi whakaingoatia ai a Ash Dixon o Ngāti Tahinga hei kāpene hōu o te kapa Ōpango Māori mō te haerenga ki te tūākoi raki a tērā marama. Rua tekau mā ono katoa ngā kaitākaro Māori kua whakaingoatia e te kaiako matua o te kapa, e Colin Cooper i Te Whanganui a Tara i tēnei rā.

Tuia atu ki a Ash Dixon, ko Otere Black tērā whai muri i tana tau tākaro ipu Mitre 10 mō Manawatū. Ā, ko Akira Ioane o Ngāpuhi me Te Whānau a Apanui kua eke anō mō te tau tākaro karapīpiti. Koia hoki rā te kaitākaro Taniwha anahe kia whai wāhi atu, kua Ōpango Māori anō a Kara Pryor Ā, ao ake anō i tana karanga ohorere ki te kapa i tērā tau, kua pūmau te noho a Marcel Renata ki te tira

Hei tā te Kaiako Matua o Te Kapa Ōpango Māori a Colin Cooper, “We've got a group of hardened warriors to travel with, the tour is quite demanding, and so we've got familiarity of the players and the combinations.”

Ko ngā hautupua whutupōro Māori rua tekau mā ono pūanō tērā i whakaingoatia ake i Te Whanganui a Tara i tēnei rā. Kotahi tonu anō ka tohua hei ngā rangi tata. Engari, mō te kāpene Ōpango Māori hōu o te wā, mō Ash Dixon - ko te whakaaro nui āna, mā wai te haka o te kapa e tātaki i te korenga o Charlie Ngātai?

E ai ki a Dixon, “I think Joe Royal does a really good job, I'd love to see him do it and I'd ask him if he wants me to put my own little take on it, but if not, happy as.”

Me te aha, kei te ngākau whakapono te uepū whutupōro Māori ki a Dixon me tana tūranga hōu.

Hei tā te Kaumatua ā Kapa o Te kapa Ōpango Māori a Luke Crawford, “I ngā wā o mua, i kitea ai te rangatiratanga i roto i a ia me te pakari tonu, me te kaha tonu o tērā tangata. Nōreira, Ngāti Tahinga tēnā koutou.”

Tokoono katoa ngā torekaihuruhuru Ōpango Māori kua tohua, ko tētahi o tērā hunga ko te whetū o te kapa o Waikato i te ipu Mitre 10, ko Whetu Douglas o Ngāti Porou me Ngāti Whakaue.

“Feels quite heavy on your shoulders but at the same time use the mana of the history to get on the field and put your best in to the jersey,” hei tā Douglas.

Tuia atu ki ngā torekaihuruhuru, ko ētahi i haere pērā atu ki Whītī i tērā tau kua hoki mai. Ko Akira Ioane hoki tētahi kua whai wāhi anō, ko Marty McKenzie anō hoki tērā, ā, ko tana hoa tākaro i te kapa o Taranaki, ko Sean Wainui.

“Found out at about 1'oclock, and haven't stopped smiling since, looking forward to the week ahead and getting in to camp with the brothers,” hei tā Wainui.

Hei āpōpō ponitakatia ai te kapa ki Tāmaki Makaurau, ā, ka rere atu rā ki tāwāhi, ki Āmerika rā anō hei te pō o te Rātapu.

Tuaritia: