Ngā whakataetae Waka Ama o Waikato Awa

Rahia Timutimu
  • Waikato/Te Waiariki

Ko te turanga tuatahi te whainga o ēnei kapa, ki tētahi o ngā whakataetae rēhi roa whakamutunga mo te tau

Nui ake i te kotahi rau ngá kaihoe nō ngā kapa rua tekau i tae mai ki te whakataetae o Waikato Awa, i tïmata tenei whakataetae i ngā tau iwa tekau, hei tā ngā kaiwhakahaere e rikarika ana rātou ki te kite i ngā kaihoe maha

Whakataetae ai ngā wahine, ngá tāne hoki ki ngā waka takiono, takitahi, takirua hoki. Tekau mā waru kiromita, toru tekau kiromita te roa o ngā rēhi

Ko tētahi o ngā kapa i piata mai ko Tai Paddles, kua uru atu ratou ki ia whakataetae roa o Aotearoa i tēnei tau Ko tā rātou pae tawhiti, kia whakataetae, kia angitu hoki ki te whakataetae Vaka Eiva ka tü ki Rarotonga hei te marama o Whiringa a Rangi

Nā te kitenga o ngā kaihoe nei, kāre e kore ka noho tonu te whakataetae Waikato Awa