Kaupapa: Waka Ama

Ngā Whakataetae Waka Ama-ā-motu

  • Waikato/Te Waiariki

He nohonga āmaimai mo ngā tama pīpī paopao i mua i te whiringa toa 250m.

Nā rātou i tūwhera i ngā whiringa toa o te rā nei. Otirā, ko Te Mata o te Enua nō Tūrangawaewae te kapa tere rawa atu, ā, i riro i a rātou te taitara nui me tā rātou mētara koura tuatoru i te whakataetae.

I whai atu ngā kōhine pīpī paopao, ā i tutuki ia Bubbalicious nō Māreikura tō rātou whāinga kia kapohia ake he mētara koura anō mā rātou.

Ki ngā wāhanga takawaenga mā ngā kōhine, ko te kapa Rangitopeora no Toa Waka Ama tērā i eke ki te taumata, ka mahue i a rātou ērā atu kapa ki muri.

I riro mā ngā whiringa toa i ngā wāhanga J16 te rā re whakakapi, ā ko ngā tamatāne i mau tuatahi ki te hoe. He rēhi tino tata tēnei ki waenga i ngā kapa, engari i te mutunga iho ko Marumaru no Te Toki te tira i eke panuku.

Heoi, i te rēhi whakamutunga o te rā, ko ngā kapa no te karapu o Māreikura, ko Hinehakirirangi me Hinekapuarangi ēra i ārahi i te rēhi, engari ko Hinekapuarangi te kapa i eke Tangaroa.

Kairīpoata: Rewa Harriman.