Kaupapa: Waka Ama

Ngā whakataetae hākinakina wai a Rāhui Pōkeka

  • Waikato/Te Waiariki

I roto i te whakakotahitanga a te huru mā me te huru pango i ēnei mahi waka ama, kua whakakau te tini tāngata ki te whakanui i te timatanga mai o tēnei tau tākaro mō te karapu Waka Ama o Rāhui Pōkeka.

Mō te ruruhi nei, mō Lad Kihi, e pūhake katoa ana tōna ngākau i te oranga kua whakatōkia e te karapu ki te takiwa nei.

“Mo ngā tamariki he tino pai mo tēnei te karapu o Rāhui Pōkeka, te nuinga o ngā tamariki no te wharekura o Rakaumangamanga, na tokoiwa o maua mokopuna, no reira ka hāere mai matou ki te tautoko, koira noaiho.”

Ko te tumanako ma ngā kaupapa penei ka akiaki i te hunga tamariki ki te whai i ngā tapuwae a o rātou mātua.

He nui ngā wawata a ngā mema o taua karapu mo ngā whakataetae ā motu kei te heke mai.