Kaupapa: Māori Sports Awards

Ngā hua o te Pō Tohu Tākaro Māori 2013

Tamati Tiananga

I tohua a Lisa Carrington ki te tohu nui o te Pō Tohu Tākaro rua tekau mā toru.

Ko Carrington te toa Hineahuone me te toa Rongomaraeroa hoki, ā, i hōnoretia a ia hei toa o te ao. 

Huri atu ana ki te kaitope rākau nei a Jason Wynyard o Ngāti Maniapoto, Ngāpuhi me Tainui, i whakawhiwhia a ia ki te tohu o Te Tama-a-Tanenuiarangi, i hōnoretia ia hei toa o te ao.    

Ki te wāhanga o Te Tamahine-a-Papatūānuku, nō te māreikura nei nō Ngāpuhi a Tyla Nathan-Wong, kaitākaro whutupōro takiwhitu, pā whutupōro hoki te toa.

Āpiti atu ko te toki Blues o te tākaro whutupōro a Joe Edwards nō Te Whakatōhea me Ngāti Tūwharetoa, i whakawhiwhia ki te tohu Te Tama-a-Ranginui. 

Nā te Tāhūhū Rangapū i te kapa Bulldogs o te whakataetae NRL a Raelene Castle, uri nō Ngāpuhi te Tohu Māui Tikitiki-a-Taranga i toa, ki te kaiwawao o te tākaro whutupōro a Glen Jackson te tohu Aratiatia.

Ko Te Maru o Tūmatauenga i riro i te kaiako whutupōro takiwhitu a Sean Horan nō Ngāi Tahu.

Tokowhitu i whakanuia mō te eke hei toa o te ao, ko Teneka Hyndman nō Ngāti Tūwharetoa mō te hākina whakawhena uaua tētahi.

I eke a Cameron Leslie, toki nō Ngāpuhi i te wāhanga mō te tohu Toi hua rewa mō te wā tuarua, ko te kapa Ōpango Māori te kapa Ika-a-Whiro o te tau.

Ka mutu, i whakaingoatia a Teōne Wiwi 'Jack' Taiaroa  nō Ngāi Tahu mō Te Whare Mātāpuna o te Ao Māori mō te hākina Whutupōro, Kirikiti me te Kaiaka.