New Ultimate Waterman disciplines doesn't faze Kereopa

  • Tāmaki Makaurau

Kua karahuihui mai ngā tino kaiekengaru o te ao ki Tāmaki Makaurau mo te taiopenga nui whakaharahara ka tū ia tau, arā te Ultimate Waterman.

Ka hūnuku te whakataetae e iwa rā te roa ki ngā wāhi rerekē puta noa i Aotearoa. Ka uru atu ngā kaiwhakataetae ki roto i ngā wāhanga e waru pēnei i te eke ngaru roa, te eke ngaru poto, te tū eke ngaru, waka ama me te kawe weti ki raro iho i te wai.

E ono noa iho ngā wāhanga i kite i tērā tau, heoi i wānanga tahi ngā kaiwhakahaere me ngā kaiwhakataetae kia whai anō he huarahi e pai ake tēnei whakataetae, ko te hua i puta, he tāpiritanga o ngā wāhanga e rua kia maha ake ai ki ngā wāhanga ōrite i tāwāhi. 

I toa a Daniel Kereopa, māngai mo Aotearoa i tērā tau, ā e tūmanako ana ia ka pērā anō i tēnei tau.

Ka timata te wāhanga tuatahi, arā te waka-ama hei te Rāhoroi nei ki Arkle’s Bay i Whangaparaoa.

Ka mutu te whakataetae hei te 20 o tēnei marama ki Tāmaki Makaurau i tā rātou hokinga mai i Te Waipounamu.