Native Affairs - Kōtiro parauri i roto i te rīngi

Kua whakapuangotia ki te kai kōhua i tōna taitamarikitanga, ā, ko Te Aroha Hira tētahi o ngā whetū maiangi o te ao mekemeke. He nui rawa atu tōna nei pitomata, ā, kāre pea i tino kitea i ngā tau ki muri i roto i tētahi kaimekemeke wahine i Aotearoa nei.

Ae mārika! Ko tēnei kōtiro nō Manurewa, he tekau mā ono noaiho tōna pakeke, e aruaru atu ana i ōna nei moemoea, ā, e whakangūngū ana ao pō, pō ao kia tinana mai ko taana e hiahia ai.

Hei tēnei wiki, ka haere atu a Te Aroha ki Purukēria hei kanohi mō Aotearoa i te Taumāhekeheke Mekemeke Wahine Taiohi ā-Ao.

Nā, ka puta atu tā mātou karere a Ruwani Perera ki te taha o te rīngi kia noho tahi me tēnei ika whakawera.