Kaupapa: Boxing

Nā Meehan tonu te umanga mekemeke a Cameron i mutu ai

Tamati Tiananga
  • Tāmaki Makaurau

Kua tukuna e Kali Meehan a Shane Cameron ki tōna ahungarua ka mutu, ahakoa te hiakai o te Maunga Whakahī ki te wikitōria auare ake, i patua rawatia a ia e te toki tāroaroa nei a Kali i eke panuku ki tā ngā kaiwawao i whakatau kaute oropapa ai.

E ai ki a David Tua, ko tana hiahia he whawhai i te tangata i toa, engari e ai ki a Meehan, kua tō te rā ki a Tua, kua huri tana aro ki te whawhai i te toa nō Amerika arā ko Shannon Briggs.

He pō whakahirahira mō te whānau Meehan, ko Willis anō i eke panuku i tana whawhai tuatahi i te taumata whai utu whai muri i tana whakahinga i a  Will Quarrie.  

I wikitōria a Brad Pitt i te tauwhāinga Super 8 i whakahinga a Anthony McCracken i a David Aloua.