Kaupapa: Netball

Mystics take 'revenge match'

Ruth Smith
  • Te Waipounamu

Aro kau ana te kapa Mystics ki te kaupapa, ā, he ngakinga mate tērā te whai i te tukinga ki te kapa Tactix.  Ko te kapa Mystics tērā i toa, 53-49.

Tokowhā ngā kaikaupare Rarauhe Hiriwa i te kōti, ā, me pēhea hoki e kore ai e uaua ki te taha tukituki o te kēmu.

Whakaritea ai e te kapa Mystics he rautaki kaupare mō te katoa o te kōti e taea ai tā rātau i pai ai i te tukinga.

I te whatinga whakamutunga tino kitea ai te manawa kairoke o te kapa Tactix e ngana ana ki te whakahipa i te hoariri, heoi anō ko te manawanui o te kapa Mystics i ū tonu, ā, puta mai ana ngā hua.

Tūtaki ai ngā Mystics ki te kapa toa, ki te kapa Pulse hai te Pōtapu, ā, e whai ana rātau kia puta tonu ko ngā hua i a rātau ka tākaro ki te kāenga.