Ngā kaupapa: Rugby League, NRL

Muia ana te Pokapu o Aotea i ngā kaiwhaiwhai NRL Nines

Tamati Tiananga
  • Tāmaki Makaurau

Ko atu i te kotahi mano tāngata i whakarauika atu ki te Papa o Aotea i Tāmaki Makaurau ki te tūtaki i ngā kaitākaro NRL Nines nō ngā kapa tekau mā ono.

E rikarika ana a Benji Marshall, kaitākaro Dragons, ka uru atu ia i te tauwhāinga NRL Nines.  I mahue ake ia ki muri i tērā tau i tana tahuri atu ki te whutupōro me te tira Blues.

E ai ki a Marshall e rata ana ia ki te hanga tākaro Nines.       

Hei tā te uri nei nō Mataatua, a Marshall, kua eke anō ia ki te kōtihi o te maunga. 

Kua whakahou a Marshall i tana ūmanga NRL ka mutu, ā, tū tangata whenua ana ia i te poraka Dragons.  

E rite mārika ana te haika Manly, Kiwi hoki a Pita Hiku me te whakapono ko rātou ka toa i te tauwhāinga nei.

Inapō rā i whakamānutia te tauwhāinga NRL, he raro mana nui i te hītori o RĪki Aotearoa.

Ko tā Raelene Castle, tāhuhu rangapū o te kapa Canterbury Bulldogs, he pō e tohua ai ngā aupikinga o te kēmu ki Aotearoa nei. 

Kua whakaīngoatia ko Jared Waerea-Hargreaves hei kaiurungi takirua mō te tira Roosters me Mitchell Pearce.

Tāpiri atu e whakapeto ngoi ana a Jared rāua ko Benji kia uru ki te tira Kiwi mō te tukinga ANZAC hei te tau nei.

Hei te haurua i te tekau mā rua karaka i te ahiahi āpōpō ki te Taiwhanga o Eden ka timata ngā tākaro, waihoki he tīkiti e wātea tonu ana hei hoko.