Monk hitting the right pitch

James Perry

He uri nō Maniapoto e whakataka ana kia whakawhanake i ngā kaiepa poiuka ō āpōpō.

He mema a Pania Monk i te kapa Tōkena Mā, e takaro ana ki tētahi whare wānanga i Āmerika. Kua hoki mai ia ki te kainga, whakaako ana i ngā rangatahi o Tāmaki Makaurau. 

E ono wiki te roa o te hōtaka whakaako i ngā āhuatanga o te kaiepa, kaihopu anō hoki. Kua tūwhera mō te hunga 11-24 tau te pakeke. 

Hei tā Jordan Te Puni, tētahi o ngā whakaurunga, ko te ako i ngā epa hou, te mea pai ki a ia. Kua ako e Leilah-Jade Manga me pēhea e manahau ai ngā mahi, hēoi ka tutuki tonu ngā mahi.

Kua rua tau a Pānia Monk e noho ana ki te kapa White Sox hei kaiepa. Kua hoki mai ia i Eastern Arizona University i Āmerika. Hei tāna, kīhai ia i whai wāhi atu ki ēnei momo āhuatanga nōna e tamariki ana. I tū noa ia hei kaiepa mō tāna kapa nā runga i te mea koia te mea pai rawa o taua kapa ki te epa i te pōro. Kāore tētahi i paku whakaako i ā ia ki ngā āhuatanga.

Kua toru wiki noa te roa o te hōtaka nei, hēoi kua kite tonu e Monk i ngā hua. Hei tāna, i te timatanga he māngere noa ngā rangatahi, hēoi kua piki rawa rātou. Ko te mea pai anō ki ā ia, e torohū hoki ana ngā rangatahi nei te ako. 

Ka ohorere pea ki ētahi te kite i tētahi māpu taiohi e whakapau kaha ana i ngā ata moata o te takurua, hēoi anō ngā rangatahi nei. Neke atu it 20 i tae atu ki Prince Edward Park i Papakura. Hei tā Taine Heke, he māmā ki ā ia, he rā hou noa iho. Nō te ngākau hihiko e oho moata ana a Jade Calverly.

He mea whakakoa hoki kia Pania Monk ki te kite i te mahi a te taiohi i āna wānanga, me te mōhio e hia kē nei ngā hākinakina kē atu e wātea ana, pēnei i te poitarawhiti me te whutupōro.

Ka whai wāhi atu ētahi o ngā taiohi nei ki ngā momo whakataetae puta noa i te ao hei ngā marama tata nei. Ki reira kite pea i ngā hua o ngā wānanga nei.