Moala to replace injured Ngatai

Kei te whakatārewahia a Charlie Ngatai e te kapa Ōpango ki te whakatika i tōna mate marū roro. E rua noa iho ngā rā nō tōna whakaingoatanga ki te kapa Ōpango tuatahi o tēnei tau. Ā, kei te puna kaitākaro te titiro ināianei, ki te whakakī i te tūranga o tētahi o ngā tino i tēnei tau.

E rua noa iho ngā rā i te pōraka Ōpango. Ē, kua poroa kē te wā ki a Charlie Ngātai

Hei tā Ian Foster te Kaiako Tuarua, ‘We made a decision after he came in on Sunday to send him home. I feel that's the best place for him to chill for the next three or four days.”

I aniroro paitia a Ngātai i ngā mīneti whakamutunga o te tākaro a te kapa Rangatira ki ngā Kahupeka i te pito tuatahi o tēnei marama. Nā whai anō tana korenga i ngā rauna ngaio e rua kua hipa. Nō te rā nei puta ai te whakatau i te kāhui kaiako Ōpango, he nui tonu te pāhekeheke ki a Ngātai.

Hei tā Foster, “It's just one of those things that you've got to give people time and space, and when it comes right it comes right.”

He patunga kikino ki te topapū o Ngāti Porou e āminetia nei hei topapū taiea huri noa i te whakataetae ngaio. Me te aha, ka whakatōroa ake te tatari kia eke i a Ngātai ki tōna tākaro tuarua i te poraka pango.

E ai ki tana hoa takaro a Aaron Smith, “We're all come from teams, different teams, different things, and it's just getting our head around calls. So it's just get out and get our All Black hat on.”

He pōtae ka whakamaua e George Moala o te kapa Kahurangi ināianei. Nōna i tākaro tuatahi i Hāmoa, kia ora katoa anō a Ngatai

Heoi anō, ko te hoa tākaro kapa Rangatira a Ngātai, ko Tawera Kerr Barlow o Tainui tērā kei raro iho i te pōkēao o te wharanga

“He's due to start some really good passing, with that hand probably at the end of this week, so we'll get an early indication from there,” hei tā Foster.

Nō te rā nei hoki puta ai te karere, kua whakaroa ake te kirimana tākaro a Ngātai ki te kapa Rangatira tonu tae noa ki te paunga o te tau rua mano tekau mā waru.