Milner-Skudder honoured at Matariki Awards

Kua whakamānawatia a Nehe Milner-Skuder o Ngāti Porou me Tapuika ki te tohu tuatahi rawa o Te Waitā i te pō taonga o Matariki i tū ki Tāmaki Makaurau ināpō.

Ko te rongotoa hākinakina ōna o tērā tau ka hau tonu, tērā ia ko āna mahinga nui i te kapa Ōpango.

Kua rangatira katoa a Ngāti Porou me Tapuika ināpō i te eketanga anō o Milner-Skudder ki tēnei honore i Tāmaki Paenga Hira. Ko te hautoa hākinakina Māori tuatahi ka whakanuia mā roto i ēnei momo tohu.

Ehara anahe tōna whānau i te wāhi kinikini nei ki āna pikinga nui i ngā marama tekau mā rua kua pahika noa.

Hei tā Milner-Skudder, “I've got a pretty supportive whānau around me that keep me grounded, and make sure I don't get too far ahead of myself so nah that helps as well.”

Ahakoa tōna wharanga pokohiwi i mahuta mai i te Paengawhāwhā, honohono tonu ana tana whiwhi i ngā tohu taumata tiketike e kore puano o te ao whutupōro, engari te ao Māori whānui.

Hei tā Milner-Skudder, “Kind of going from one extreme to another this year.  I guess it’s the bad side of the injury and things…happen like that.”

E whakapae ana te kaiwhiwhi tuatahi o te tohu o Te Waitā ka ora ake anō tōna wharanga pokohiwi hei te Mahuru.